Yuppis Trophy am Préizerdaul – Feedback

Eng Streck fannen fir Kanner um Vëlo ze förderen, esou steet et am Reglement vun der Yuppis Trophy. Wann dat ganzt dann och nach Spaass mécht ass et em esou besser. Kee Problem dat kréien mir hin am Préizerdaul. Den 24.05.2014 war et dann esou wäit.

Streck huet sech dann däitlech vun deenen aneren an der Yuppis Trophy ënnerscheed. An der Nuecht huet dann och den Reen nach säin Deel dozou bäigedroen dassen mir bal Konditiounen haten ewéi um Supercup lescht Joer. Eis Jonk Coureuren haten sech vill vir geholl, esou dassen si alleguer relativ nervös waren, éiert si op den Start gaangen sinn. Dëst wor awer alles onbegrent, well wou et bis lass gaangen ass hunn si gewisen waaten si kennen. Alleguer hunn si sech eng Platz um Podium geséchert esou dassen si alleguer hiert Zil erreecht hunn.
Wann en elo Bambi3 an Benjamin1 eraus hellt, kann en soen dass an dësen Kategorien eis Mini Tooltimer kloer dominéiert hunn. Bei den Benjamin1 ass et esou guer esou wäit gaangen dassen nach just 4 Coureuren am selwechten Tour woren, dovun 2 Tooltimer.
„Trainer mir haten ausgemaach dass ech vir fueren an wann hien hannert mir ass just rifft: Ech sinn do!, an dann fueren mir.“ wann en dat héiert dann kritt een schmunzelen an Gesiicht.
Zum Schluss vun dem Dag kann een dann just een positiven Feedback zeien, an et bleift ze hoffen dass esou Strecken ëmmer méi oft den Wee an eis Jugend fannen.
Zum Schluss awer nach een ganz groussen Merci un déi vill Léit déi eng Hand mat ugepaakt hunn, an esou dat ganzt Event realiséiert hunn.
Op eng flott Zukunft mat engem super Grupp!!!  (Fotosalbum)